നാടിന് മാതൃകയായി ബാലുശ്ശേരി ജനമൈത്രി പോലീസ്
ബാലുശ്ശേരി : നാടിന് മാതൃകയായി ബാലുശ്ശേരി ജനമൈത്രി പോലീസ്. പനി ബാധിതരായി വരുന്ന ആളുകളുടെ ഇന്നത്തെ ലാബ് ടെസ്റ്റിന്റെ ചെലവ് ഓരോ ഉദ്ദ്യോഗസ്ഥരും നല്കിയാണ് നാടിന് മാതൃകയായത്. ലാബ് ടെസ്റ്റ് നടത്താന് ചുരുങ്ങിയത് 250 രൂപയെങ്കിലും വേണമെന്നിരിക്കെ ആ പണം ഓരോ ഉദ്ദ്യോഗസ്ഥരും ഇന്ന് ലാബില് നല്കുകയാണ് ഉണ്ടായത്. 
ബാലുശ്ശേരി സി.െഎ. കെ. സുഷീര്, എസ്.ഐ. കെ. നൗഫല് എന്നിവരുടെ നേതൃത്വത്തില് നടന്ന പരിപാടി ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് വി. പ്രതിഭ അധ്യക്ഷത വഹിച്ചു. പോലീസുകാര് സ്വരൂപിച്ച തുക മെഡിക്കല് ഓഫീസര് ഡോ. ഇ.കെ. രൂപ ഏറ്റുവാങ്ങി.
ബാലുശ്ശേരി പഞ്ചായത്ത് പ്രസിഡന്റ് രൂപലേഖ കൊമ്പിലാട്, ഡോ. കെ. ശ്രീകുമാര്, വാര്ഡ് മെമ്പര് ഷൈമ കോറോത്ത്, എ.എസ്.ഐ. കെ. സിജിത്ത്, കെ. സുജാത, എം.കെ. രാധാകൃഷ്ണന് തുടങ്ങിയവര് പ്രസംഗിച്ചു. വിവിധ സന്നദ്ധസംഘടനകളുടെ സഹകരണത്തോടെ വരുംദിവസങ്ങളില് ആസ്പത്രിയില് രോഗികള്ക്കുവേണ്ടി കൂടുതല് സംവിധാനമൊരുക്കുമെന്ന് സി.ഐ. സുഷീറും എസ്.ഐ. കെ. നൗഫലും അറിയിച്ചു
Hello, my name is Jack Sparrow. I'm a 50 year old self-employed Pirate from the Caribbean. 
No comments