കക്കയം ഗ്രാമത്തെ നടുക്കി വിദ്യാർഥിയുടെ അപകട മരണം

കക്കയം ∙ കക്കയം ഡാംസൈറ്റ് റോഡിലെ ഒന്നാംവളവിൽ ഇന്നലെ ബസും ബൈക്കും കൂട്ടിയിടിച്ചുണ്ടായ അപകടത്തിൽ കല്ലാനോട് സ്വദേശി പുത്തൻപുരയിൽ അജിൻ ഏബ്രഹാം (20) മരിച്ചത് കക്കയം ഗ്രാമത്തെ കണ്ണീരിലാഴ്ത്തി. സുഹ‍ൃത്തിനൊപ്പം കക്കയം ഡാം സന്ദർശിക്കാൻ പോകുമ്പോൾ വളവിലായിരുന്നു അപകടംസംഭവിച്ചത്.

പൊതുമരാമത്ത് വകുപ്പിന്റെ അധീനതയിലുള്ള റോഡിന് വീതിയില്ലാത്തതും പാതയോരത്തെ കാടുമാണ് അപകടത്തിനു പ്രധാന കാരണമാകുന്നത്. ഡാംസൈറ്റ് റോഡ് പല ഭാഗങ്ങളിലും തകർന്നിട്ടുണ്ട്. മലബാറിലെ പ്രധാന ടൂറിസ്റ്റ് കേന്ദ്രത്തിലേക്കുള്ള റോഡ് നവീകരിക്കണമെന്ന് ആവശ്യമുയരാറുണ്ടെങ്കിലും അധികൃതർ അവഗണിക്കുകയാണ്.


ബൈക്കും ബസ്സും കൂട്ടിയിടിച്ച് വിദ്യാര്‍ത്ഥി മരിച്ചു