വിദ്യാരംഗം ഉദ്ഘാടനവും വായനാപക്ഷാചരണ സമാപനവും

എകരൂല്‍ : ഉണ്ണികുളം ഗവണ്മെന്‍റ് യു പി സ്കൂളിലെ വിദ്യാരംഗം കലാ സാഹിത്യ വേദിയുടെ ഉദ്ഘാടനം സുരേന്ദ്രന്‍ പുത്തഞ്ചേരി നിര്‍വ്വഹിച്ചു. പി ടി എ പ്രസിഡന്റ് പി കെ സജീവന്‍ അധ്യക്ഷത വഹിച്ച ചടങ്ങില്‍ എം മിനിജാറാണി, എന്‍ കെ പങ്കജാക്ഷി പാര്‍വനേന്തു തുടങ്ങിയവര്‍ സംസാരിച്ചു. 

വായനാപക്ഷാചരണത്തോടനുബന്ധിച്ചു പ്രശ്നോത്തരി, വായനാകുറിപ്പ് മത്സരം, വായന മത്സരം തുടങ്ങിയവ നടത്തി. പക്ഷാചരണ സമാപനത്തോടനുബന്ധിച്ചു വിദ്യാര്‍ഥികള്‍ വ്യത്യസ്ത കഥാപാത്രങ്ങളെ ദ്രിശ്യവത്കരിച്ചത് ശ്രദ്ധേയമായി.