പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു ഗര്‍ഭിണിയാക്കിയതായി പരാതി

എകരൂല്‍ : പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചു ഗര്‍ഭിണിയാക്കിയതായി പരാതി. കിനാലൂര്‍ സ്വദേശി സായൂജ് (22) എന്ന യുവാവാണ് പീഡിപ്പിച്ചതെന്ന് പെണ്‍കുട്ടി പോലീസിനോട് പറഞ്ഞു.

പോക്സോ നിയമം പ്രകാരം പോലീസ് കേസെടുത്തു അന്വേഷണം ആരംഭിച്ചു. പ്രതി ഒളിവിലാണെന്ന് പോലീസ് പറഞ്ഞു. ബന്ധുവീട്ടിലും കിനാലൂരിലെ കടയിലും വച്ചാണ് തന്നെ പീഡിപ്പിച്ചതെന്ന് പെണ്‍കുട്ടി പോലീസിനോട് പറഞ്ഞു. പെണ്‍കുട്ടിയെ വൈദ്യപരിശോധനയ്ക്ക് വിദേയമാക്കി. സി ഐ സുഷീറിനാണ് അന്വേഷണ ചുമതല.