കളഞ്ഞുകിട്ടിയ പണം ഉടമക്ക് തിരിച്ച് നൽകി വീട്ടമ്മ മാതൃകയായി

താമരശ്ശേരി ചുങ്കത്തിന്റെ സത്യസന്ധതയ്ക്ക് വീണ്ടുമൊരു പത്തരമാറ്റ് മാതൃക " ഇത്തവണ താമരശ്ശേരി ചുങ്കം മൂന്നാംതോട് സ്വദേശി മേരി മുണ്ടയ്ക്കൽ ആണ് തനിയ്ക്ക് കളഞ്ഞുകിട്ടിയ പണവും രേഖകളുമടങ്ങിയ പേഴ്സ് വാർഡ് മെമ്പർ പി.എം ജയേഷിന്റെയും നാട്ടുകാരുടെയും സാന്നിദ്ധ്യത്തിൽ ഉടമസ്ഥന് തിരിച്ചുനൽകി, താമരശ്ശേരി ചുങ്കത്തിന്റെ സത്യസന്ധതയുടെ ഏറ്റവും ഒടുവിലത്തെ മാത്യകയായത്.

എളേറ്റിൽ വട്ടോളി സ്വദേശിയായ അൻവർ അദ്ദേഹത്തിന്റെ ബന്ധുവീട്ടിൽ പോയി മടങ്ങുന്നതിനിടെയാണ് ഇന്നലെ അദ്ദേഹത്തിന്റെ പണവും രേഖകളുമടങ്ങിയ പേഴ്സ് നഷ്ട്ടപ്പെട്ടത്: താമരശ്ശേരി പള്ളിയിൽ പോയി മടങ്ങുന്നതിനിടയിൽ ചുങ്കം പെട്രോൾ പമ്പിന് സമീപത്തു നിന്നുമാണ് മേരിക്ക് ഇത് ലഭിച്ചത്.ഉടമസ്ഥനെ കണ്ടെത്തി തിരിച്ചു നൽകാൻ കഴിഞ്ഞതിൽ വളരെ സന്തോഷമുണ്ടെന്ന് മേരി പറഞ്ഞു, അനുകരണീയവും, പ്രോൽസാഹിപ്പിക്കപ്പെടേണ്ടതുമായ മാതൃകയാണ് മേരിയുടെ ഈ പ്രവൃത്തി എന്ന് വാർഡ് മെമ്പർ ജയേഷ് പറഞ്ഞു