ഭൂരേഖ കംപ്യൂട്ടര്‍വത്കരണത്തിന് വില്ലേജുകളില്‍ ക്യാമ്പുകള്‍

താമരശ്ശേരി: ഭൂരേഖ കംപ്യൂട്ടര്‍വത്കരണ വിവരശേഖരണത്തിന് താമരശ്ശേരി താലൂക്കിലെ വിവിധ വില്ലേജുകളില്‍ ക്യാമ്പ് സംഘടിപ്പിക്കുന്നു. ക്യാമ്പ് നടക്കുന്ന സ്ഥലം അതത് വില്ലേജ് ഓഫീസുകളില്‍നിന്നറിയാം. നിശ്ചിത തീയതികളില്‍ സ്ഥലമുടമകള്‍ പട്ടയം/ആധാരം, നികുതി രതീശി, ആധാര്‍ കാര്‍ഡ്, തിരിച്ചറിയല്‍ കാര്‍ഡ് എന്നിവ സഹിതം ഹാജരാകണം. ആധാരം ബാങ്കില്‍ പണയപ്പെടുത്തിയവര്‍ ബാങ്കില്‍നിന്നുള്ള കത്ത് ഹാജരാക്കണം. വിവരം നല്‍കുന്നതിനുള്ള ഫോറം ലഭിക്കാത്തവര്‍ക്ക് വില്ലേജോഫീസുകളില്‍നിന്ന് സൗജന്യമായി വാങ്ങാം. രാവിലെ പത്തുമുതല്‍ വൈകീട്ട് അഞ്ചുവരെയാണ് ക്യാമ്പ്.

വില്ലേജും ക്യാമ്പ് നടക്കുന്ന തീയതികളും:

പുതുപ്പാടി-നവംബര്‍ 15, 18, 21, 24. ഈങ്ങാപ്പുഴ-16, 17, 20, 25, 27, 29. കോടഞ്ചേരി-18, 23, 25. കൂടത്തായി-14, 18, 22, 25. പുത്തൂര്‍-18, 23, 25, 29. കെടവൂര്‍-18, 25, 29. വാവാട്-17, 24, 28. കിഴക്കോത്ത്-16, 20, 22, 27. നരിക്കുനി-14, 20, 24, 27, 29. തിരുവമ്പാടി-16, 23, 29. കൂടരഞ്ഞി-21, 25. ഉണ്ണികുളം-16, 20, 22, 27. ശിവപുരം-15, 17, 22, 29. കിനാലൂര്‍-16, 20, 23, 28. കാന്തലാട്-15, 22. കട്ടിപ്പാറ-14, 17, 23, 30. രാരോത്ത്-16, 22, 24, 27. കൊടുവള്ളി-15, 17, 24, 30.