പനങ്ങാട് പഞ്ചായത്ത് വയോ ആരോഗ്യകേന്ദ്രം ഉദ്ഘാടനംചെയ്തു

ബാലുശ്ശേരി: വയോജനങ്ങളുടെ ആരോഗ്യസംരക്ഷണത്തെ ലക്ഷ്യമാക്കി പനങ്ങാട് പഞ്ചായത്തില്‍ വയോ ആരോഗ്യകേന്ദ്രം പ്രവര്‍ത്തനമാരംഭിച്ചു. ജില്ലാപഞ്ചായത്ത് പ്രസിഡന്റ് ബാബു പറശ്ശേരി കേന്ദ്രത്തിന്റെ ഉദ്ഘാടനകര്‍മം നിര്‍വഹിച്ചു. പഞ്ചായത്ത് വൈസ് പ്രസിഡന്റ് പി. ഉസ്മാന്‍ അധ്യക്ഷത വഹിച്ചു.

ഡോ. മെഹറൂഫ് രാജ് മുഖ്യപ്രഭാഷണം നടത്തി. പി.സി. പുഷ്പ, കോട്ടയില്‍ മുഹമ്മത്, പി.ആര്‍. സുരേഷ്, ടി.കെ. ബിജു, കെ.എല്‍. മാത്യു, കെ. ബാബു, രാജു ഇളവിങ്കല്‍, ബഷീര്‍ അഹമ്മത്, അജീന്ദ്രന്‍ എന്നിവര്‍ സംസാരിച്ചു.